فرمان الہی
نماز کے اوقات
امریکا میں تعلیم حاصل کرنے جانے والی بھارتی طالبہ اپنے کمرے میں پراسرار طور پر مردہ پائی گئی، طالبہ کے والدین بیٹی کی میت واپس لانے کیلئے چندہ کرنے پر مجبور ہوگئے۔
بھارتی میڈیا کے مطابق 23 سالہ بھارتی طالبہ راجیا لکشمی امریکا میں پراسرار حالات میں مردہ پائی گئی ہے۔
رپورٹس کے مطابق وہ ٹیکساس کی یونیورسٹی سے حال ہی میں گریجویشن مکمل کرنے کے بعد ملازمت کی تلاش میں تھیں۔
راجیا کی میت بھارت لانے کیلئے اس کے خاندان کی جانب سے ایک فنڈ قائم کیا گیا ہے، اس کی کزن کا کہنا ہے کہ وہ پچھلے دو سے تین دن سے شدید کھانسی اور سینے کے درد میں مبتلا تھی اور 7 نومبر کی صبح انتقال کر گئی۔
بھارتی طالبہ آندھرا پردیش کے انجینئرنگ کی ڈگری مکمل کرنے کے بعد 2023 میں اعلیٰ تعلیم کے لیے امریکا روانہ ہوئی تھی۔ اس نے حال ہی میں کمپیوٹر سائنس میں ایم ایس مکمل کیا تھا اور نوکری کے مواقع تلاش کر رہی تھیں۔
دوسری جانب بھارتی طالبہ کی موت کی وجہ معلوم کرنے کیلئے تحقیقات جاری ہیں، گزشتہ سال امریکا میں 11 بھارتی یا بھارتی نژاد طلبہ کی اموات رپورٹ ہو چکی ہیں۔
