فرمان الہی
نماز کے اوقات
انگلینڈ اور آسٹریلیا کے درمیان جاری ایشیز ٹیسٹ کا پہلا دن بالرز کے نام رہا، انگلینڈ کی ٹیم 172 رنز پر آل آؤٹ ہونے کے بعد آسٹریلیا کے بھی 123 رنز پر 9 وکٹیں گر گئیں۔
پرتھ میں جاری پہلے ٹیسٹ میچ میں انگلینڈ نے ٹاس جیت پر پہلے بیٹنگ کا فیصلہ کیا جو ٹیم کے لیے نقصاندہ ثابت ہوا۔
انگلینڈ کی ٹیم مچل اسٹارک کی تباہ کن بالنگ کے سامنے ریت کی دیوار ثابت ہوئی اور پوری ٹیم 172 رنز پر ڈھیر ہوگئی۔
انگلینڈ کے بیٹر ہیری بروک 52، اولی پوپ 46 اور جیمی سمتھ 33 رنز بناکر نمایاں رہے ان کے علاوہ کوئی کھلاڑی خاطر خواہ کارکردگی نہیں دکھا سکھا۔ 7 کھلاڑی ڈبل فیگرز میں بھی داخل نہیں ہوسکے۔
آسٹریلیا کی جانب سے مچل اسٹارک نے 7، برینڈن ڈوگیٹ نے 2 اور کیمرون گرین نے ایک وکٹ حاصل کی۔
آسٹریلیا نے بھی اپنی اننگز کا مایوس کن آغاز کیا، کینگروز بیٹر جیک ویدرالڈ بغیر کسی رن کے آرچر کے ہاتھوں ایل بی ڈبلیو آؤٹ ہوگئے۔
ایلیکس کیری 26، کیمرون گرین 24، ٹریوس ہیڈ 21 اور اسٹیو اسمتھ 17 رنز بناکر آؤٹ ہوگئے۔
انگلینڈ کی جانب سے کپتان بین اسٹوکس نے 5 جبکہ جوفرا آرچر اور برائیڈن کارس نے 2، 2 وکٹیں حاصل کیں۔
