فرمان الہی
نماز کے اوقات
کوئٹہ(اسٹاف رپورٹر)زیارت انتظامیہ اور لیویز فورس نے بروقت کارروائی کرتے ہوئے دہشت گردی کا ایک بڑا منصوبہ ناکام بناتے ہوئے فتنہ الخوارج کے پانچ دہشت گردوں کو گرفتار کرلیا۔جن کا تعلق قندھار، افغانستان سے بتایا جاتا ہے۔ وزیر اعلی نے کامیاب کارروائی پر ضلعی انتظامیہ اور لیویز کو سراہا ہے۔ ڈپٹی کمشنر زیارت کے مطابق زیارت لیویز فورس نے کارروائی کرتے ہوئے پانچ دہشت گردوں کو گرفتار کر کے بھاری مقدار میں اسلحہ و گولہ بارود اور مواصلاتی آلات برآمد کر لیےجن میں 11 دستی بم ، 3 سب مشین گنز ، 2 ایم فور رائفلز (پارٹس کی صورت میں)، ایک گرینیڈ لانچر، 9 ایم فور میگزینز، 14 ایس ایم جی میگزینز، 420 ایس ایم جی راؤنڈز، 230 ایم فور راؤنڈز، ایک کلو بارودی مواد، 6 وائرلیس سیٹس، 4 موبائل فونز، 2 آر پی جیز، ایک ڈگر، 13 ایمونیشن بیگز، 16 پاور سیلز، 15 ایس ایم جی گرینیڈز، ایک سوزوکی کیری وین، ایک موٹر سائیکل اور کالعدم ٹی ٹی پی کا لٹریچر شامل ہے ۔انہوں نے بتایا کہ دہشت گرد زیارت میں تخریبی کاری کرنا چاہتے تھے جسے لیویز فورس نے ناکام بنا دیا۔
