فرمان الہی
نماز کے اوقات
پاکستان سپر لیگ (پی ایس ایل) فرنچائز کوئٹہ گلیڈی ایٹرز نے بھی لیگ کے ساتھ 10 سالہ معاہدے کی تجدید کردی ہے۔
پی ایس ایل نے کوئٹہ گلیڈی ایٹرز کے ساتھ معاہدے کی تصدیق کردی اور کہا کہ معاہدہ نئی ویلیوایشن کے تحت دوبارہ طے پایا ہے۔
فرنچائز کوئٹہ گلیڈی ایٹرز کی ویلیوایشن ای وائی مینا نامی غیر ملکی فرم نے کی ہے۔
محسن نقوی نے کوئٹہ گلیڈی ایٹرز سے معاہدے کی تجدید پر مسرت کا اظہار کیا اور کہا کہ گلیڈی ایٹرز کے اونر ندیم عمر کی پی ایس ایل کےلیے خدمات قابلِ ستائش ہیں، ان کے اعتماد کا اظہار پی ایس ایل کی بڑھتی ساکھ کا ثبوت ہے۔
سی ای او پی ایس ایل سلمان نصیر نے کہا کہ کوئٹہ گلیڈی ایٹرز کے ساتھ شراکت مزید مضبوط ہوگی، اس فرنچائز کا جذبہ اور کمٹمنٹ لائق تحسین ہے۔
انہوں نے مزید کہا کہ ندیم عمر کی خدمات پی ایس ایل والوں سے بھی بڑھ کر ہیں، کوئٹہ گلیڈی ایٹرز مقبولیت اور کارکردگی کے باعث پی ایس ایل کی مضبوط ترین فرنچائز ہے۔
