فرمان الہی
نماز کے اوقات
پاکستان سپر لیگ (پی ایس ایل) فرنچائز پشاور زلمی نے بھی لیگ کے ساتھ معاہدے کی 10 سال کےلیے تجدید کردی ہے۔
پشاور زلمی کی ملکیت آئندہ 10 سال کےلیے موجودہ مالکان کے پاس رہے گی، فرنچائز نے ای وائی مینا کی ویلیوایشین کے بعد معاہدے کی تجدید کی ہے۔
پشاور زلمی پی ایس ایل کی سب سے زیادہ دیکھی جانے والی ٹیم ہے، جس کی فین انگیجمنٹ اور کارکردگی نے مضبوط کمرشل وراثت بنائی ہے، 10 سالہ معاہدے کے بعد مداحوں میں خوشی کی لہر دوڑ گئی ہے۔
پی ایس ایل کے11ویں ایڈیشن میں اگلے برس 8 ٹیمیں حصہ لیں گی، اس بار دو نئی ٹیمیں شامل کی جارہی ہیں۔
چیئرمین محسن نقوی نے کہا کہ جاوید آفریدی کی قیادت میں پشاور زلمی پاکستان کی مقبول ترین فرنچائز بن گئی ہے، فرنچائز کی قیادت کا وژن ٹیم اور پی ایس ایل کے لیے مضبوط اساس ہے۔
چیف ایگزیکٹو آفیسر پی ایس ایل سلمان نصیر نے کہا کہ پشاور زلمی کا معاہدے کی تجدید کرنا پی ایس ایل پر اعتماد کا مظہر ہے۔
انہوں نے مزید کہا کہ زلمی کی انرجی اور فین کنیکٹ پی ایس ایل کی شناخت ہے، پی ایس ایل کی ترقی میں جاوید آفریدی کا کلیدی کردار رہاہے۔
