بہاولپور(ڈسٹرکٹ رپورٹر)12گھنٹوں میں دوڈکیتیوں کی وارداتیں، تاجروں کولوٹ کر فائرنگ کرکے زخمی بھی کردیا، پولیس نے قانونی کاررائی شروع کردی، تاجروں کاشدیداحتجاج، تفصیلات کے مطابق دن دیہاڑے چوک سرائیکی پرواقع حمزہ کی دکان میں2 ڈاکو گھس گئے جنہوں نے گن پوائنٹ پر سٹور مالک سے 60سے 70ہزار روپے نقدی اورآٹھ موبائل چھین لئے،مزاحمت پر اس پر فائرنگ کر کے اس کوشدید زخمی کردیا اورموقع سے فرار ہوگئے۔ لاری اڈے کے قریب کھوکھامارکیٹ میں تاجر حبیب کو دومسلح افرا د نے گن پوائنٹ پر روک کر 65ہزار روپے چھین لئے۔ مزاحمت پر اس کے پیر میں بھی گولی مار دی اورموقع سے فرار ہوگئے۔ پولیس نے قانونی کارروائی شروع کردی۔ ان وارداتوں پر تاجربرادری نے شدید احتجا ج کرتے ہوئے تاجروں کوتحفظ فراہم کرنے کامطالبہ کیا اورڈاکوؤں کی فوری گرفتار ی کابھی مطالبہ کیاہے۔
فرمان الہی
نماز کے اوقات
