فرمان الہی
نماز کے اوقات
بھارت کو جنوبی افریقہ نے ٹیسٹ کرکٹ کی تاریخ کی بدترین شکست دے کر سیریز دو صفر سے اپنے نام کر لی۔
گوہاٹی میں کھیلے گئے دوسرے ٹیسٹ میچ میں جنوبی افریقہ نے بھارت کو 408 سے ہرایا، جس کے ساتھ ہی یہ بھارت کی ٹیسٹ کرکٹ میں رنز کے اعتبار سے سب سے بڑی اور پہلی مرتبہ 400 یا اس سے زائد رنز کی شکست بن گئی۔
اس سے قبل 2004 میں بھارت کو آسٹریلیا نے ناگپور میں کھیلے گئے ٹیسٹ میچ میں 342 رنز سے جبکہ پاکستان نے 2006 کے کراچی ٹیسٹ میں 341 رنز سے تاریخی شکست دی تھی۔
واضح رہے کہ جنوبی افریقہ نے دوسرے ٹیسٹ میچ میں بھارت کو شکست دے کر 25 سال بعد اس کی سرزمین پر سیریز اپنے نام کر لی ہے۔
دوسرے ٹیسٹ میچ میں جنوبی افریقہ کی جانب سے دیے گئے 549 رنز کے جواب میں بھارتی ٹیم اپنی ہی سرزمین پر 140 رنز بنا سکی۔
مہمان ٹیم جنوبی افریقہ نے پہلی اننگز میں 489 رن بنائے تھے۔ سینورن متھوسامی نے 109 رنز اسکور کیے جبکہ مارکو یانسن نے 93 رنز بناکر ان کا ساتھ دیا تھا۔
پہلی اننگز میں بھارتی ٹیم 201 رن پر آل آؤٹ ہو گئی تھی جبکہ فالو آن کے باوجود مہمان ٹیم نے دوسری اننگز میں بیٹنگ کی اور 5 وکٹ پر 260 رنز بنا کر اننگز ڈکلیئر کر دی۔
