فرمان الہی
نماز کے اوقات
بھارتی حکومت نے اسمارٹ فون کمپنیوں کو فون میں سرکاری ایپ لازمی رکھنے کا حکم دیا ہے۔
نئی دلی سے خبر ایجنسی کے مطابق صارف فون میں نصب سرکاری ایپ کو اسمارٹ فون سے نکال نہیں سکے گا، اسمارٹ فون بنانے والی کمپنیوں کو نئے قواعد پر عملدرآمد کیلیے 90 روز کی مہلت دی گئی ہے۔
بھارتی حکومت کا اس حوالے سے کہنا ہے کہ کمپنیاں استعمال ہونے والے موبائل فونز میں بھی سرکاری ایپ اپ ڈیٹ کریں۔
خبر ایجنسی کے مطابق انٹرنیٹ فریڈم فاؤنڈیشن نے نئے بھارتی حکم نامے پر اظہار تشویش کیا ہے۔
آئی ایف ایف کے مطابق یہ اقدام ذاتی ڈیجیٹل آلات پر انتظامی کنٹرول کے مترادف ہے۔
بھارتی میڈیا کے مطابق اپوزیشن نے موبائل فون میں سرکاری ایپ لازمی انسٹال کرنے کے حکم پر تنقید کی اور کہا کہ سرکاری ایپلی کیشن انسٹال کرنے کا حکم پرائیوسی پر کھلا حملہ ہے، یہ اقدام شہریوں کی معلومات اور حرکات پر نظر رکھنے کا ذریعہ بن سکتا ہے۔
بھارتی اپوزیشن کے مطابق نیا حکم آئین کے آرٹیکل21 کے تحت حاصل رازداری حق کی صریح خلاف ورزی ہے۔
دوسری جانب بھارتی یونین وزیر برائے کمیونیکیشن نے بھارتی میڈیا سے گفتگو میں کہا کہ سرکاری ایپلی کیشن آپشنل ہے، اسے ڈیلیٹ کیاجاسکتا ہے۔
بھارتی وزیر مواصلات کے مطابق سرکاری ایپ متعارف کرانا ہمارا فرض ہے، سرکاری ایپ موبائل میں رکھنا یا نہ رکھنا صارف کا فیصلہ ہوگا۔
