• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران جن سے بات کرنا چاہتے ہیں وہ ان سے بات نہیں کرنا چاہتے، رانا ثنا

آج کا اخبار
ملک بھر سے
06 دسمبر ، 2025
اسلام آباد( جنگ نیوز)وزیراعظم کے مشیر برائے سیاسی امور رانا ثناءاللّٰہ کا کہنا ہےعمران جن سے بات کرنا چاہتے ہیں وہ ان سے بات نہیں کرنا چاہتے، وزیراعظم نے دو بار ایوان میں اپوزیشن کو بات چیت کا کہا ہے، وزیراعظم نے تمام نکات پر اتفاق رائے کا کہا اور بات کرنے کی دعوت دی، دونوں فریق آپس میں بات کریں اور ایک نکتے پر اتفاق کریں۔سینیٹ اجلاس میں اظہار خیال کرتے ہوئے رانا ثناءاللّٰہ نے کہا کہ پی ٹی آئی قیادت ہم سے بات کرنے کو تیار نہیں، جن سے پی ٹی آئی قیادت بات کرنے کو تیار ہیں وہ نہیں کرنا چاہتے۔انہوں نے کہا کہ یہ ہاؤس اپنا موقف پیش کرے لیکن ہم سمجھتے ہیں قانون کے مطابق ملاقات ہوگی، اڈیالہ میں امن و امان خراب کرنے یا کسی تحریک کو چلانے کی اجازت نہیں ہے۔ان کا مزید کہنا تھا کہ یہ نہیں ہوسکتا کہ جیل میں بیٹھ کر امن و امان کی صورتحال پیدا کریں، بانی کی بہن نے جو گفتگو کی اس میں باہر سیاسی فیصلوں کا ذکر تھا۔رانا ثناءاللہ نے کہا کہ پی ٹی آئی سینیٹرز کمیٹی بنانا چاہتے ہیں تو پہلےخود کمیٹی بنالیں کہ کیا بات کرنی ہے۔ 
ملک بھر سے سے مزید