فرمان الہی
نماز کے اوقات
پاکستان کے اسٹار فاسٹ بولر شاہین شاہ آفریدی نے مچل اسٹارک کو لیجنڈ کھلاڑی اور نوجوانوں کے لیے رول ماڈل قرار دے دیا۔
بگ بیش لیگ کے لیے آسٹریلیا میں موجود شاہین شاہ آفریدی نے کہا ہے کہ مجھے امید ہے کہ میں اپنا رول ادا کروں گا، اسی لیے میں یہاں پر ہوں۔
انہوں نے کہا کہ اگر بیٹنگ میں ضرورت پڑی تو میں وہاں بھی اپنی بھرپور پرفارمنس دوں گا، بگ بیش چھوٹی لیگ نہیں، یہ دنیا کی جانی پہچانی لیگ ہے۔
اسٹار فاسٹ بولر نے کہا کہ یہاں دنیا کے بہترین کرکٹرز بہترین کرکٹ کھیلتے ہیں، پہلا میچ رضوان کی ٹیم کے خلاف ہے اور بابر اعظم بھی یہیں ہے۔
اُن کا کہنا ہے کہ وہ مجھے جانتے ہیں، میں انہیں جانتا ہوں، مجھے امید ہے کہ یہاں اچھی کرکٹ ہو گی، ایشین اور پاکستانی کمیونٹی سے سپورٹ ملنے کی توقع ہے۔
شاہین آفریدی نے یہ بھی کہا کہ آخری بار مچل اسٹارک سے ملا تو بتایا کہ 2015ء کا ورلڈ کپ کا ان کا اسپیل دیکھا تھا۔
