فرمان الہی
نماز کے اوقات
آسٹریلیا کے شہر سڈنی کے بونڈی بیچ پر ہونے والے دہشت گردی کے واقعے کے عینی شاہدین کے بیانات اور پولیس تحقیقات کی مزید تفصیل سامنے آ گئی۔
میڈیا رپورٹ کے مطابق عینی شاہدین کا کہنا ہے کہ حملہ آور کو گاڑی سے نکلتے دیکھا، اس نے بڑی بندوق نکالی اور فائرنگ شروع کر دی۔
عینی شاہد نے بتایا کہ حملہ آور نے لوگوں کو چلا کر بھاگنے کا کہا مگر کوئی اس کی بات پر یقین کرنے کو تیار نہیں تھا۔
عینی شاہد کے مطابق اس نے حملہ آور کو گاڑی سے نکلتے دیکھا، اُسے لگا کہ وہ ٹھوکر کھا کر گر گیا ہے اور بیساکھیاں اٹھا رہا ہے، لیکن اس نے بڑی بندوق نکالی اور فائرنگ شروع کر دی۔
پولیس کے مطابق حملہ آور باپ اور بیٹے نے اپنی پلاننگ سے ماں کو بھی لاعلم رکھا تھا، کارروائی سے پہلے گھر سے 20 کلو میٹر دور جگہ کرائے پر لی اور ماں کو مچھلی کے شکار پر جانے کا بتایا تھا۔
حملہ آور وں نے بونڈی بیچ جانے کے لیے جس گاڑی کا استعما ل کیا، وہ بھی ان کی اپنی تھی، یہ گاڑی گوگل پر جون میں حملہ آوروں کے گھر کے سامنے دیکھی گئی۔
پولیس حکام کے مطابق باپ بیٹے نے حملے کے لیے فٹ برج کا انتخاب کیا اور کارروائی کی۔
