فرمان الہی
نماز کے اوقات
چیئرمین پاکستان کرکٹ بورڈ (پی سی بی) محسن نقوی نے کہا ہے کہ پاکستان سپر لیگ (پی ایس ایل) کےلیے وسیم اکرم کو برانڈ ایمبیسیڈر مقرر کیا ہے۔
ایک بیان میں محسن نقوی نے کہا کہ 26 مارچ کے بجائے پی ایس ایل 23 مارچ سے شروع کرنا چاہتے ہیں، تمام فرنچائز کی مشاورت سے 23 مارچ کو پی ایس ایل شروع کرنے کا فیصلہ کریں گے۔
انہوں نے کہا کہ کرکٹ اکیڈمی کو ریجن کی بہترین اکیڈمی بنانے کا ہدف ہے، پی ایس ایل ختم ہونے کے بعد ملتان سلطان کی نیلامی کریں گے۔
چیئرمین پی سی بی نے مزید کہا کہ پی ایس ایل کی 2 نئی ٹیموں کےلیے 10 پارٹیوں نے کوالیفائی کیا، ملتان سلطانز کو اس سال پی سی بی خود آپریٹ کرے گا۔
اُن کا کہنا تھا کہ پی ایس ایل ٹیموں کی بڈنگ 8 جنوری کو اسلام آباد میں ہوگی، نیوز چینل کو اسپورٹس ایونٹ کی کوریج کے لیے وزیر اطلاعات سے درخواست کروں گا۔
محسن نقوی نے یہ بھی کہا کہ پاکستان شاہینز کو بھی ہم بہت مضبوط بنانا چاہتے ہیں،8 جنوری ہمارے لیےاہم دن ہے، ہماری ٹیمیں اچھی فروخت ہوں گی۔
انہوں نے کہا کہ بھارت کے ساتھ جو بھی ہوگا وہ برابری کی سطح پر ہوگا، بھارتی ہینڈ شیک نہیں کرنا چاہتے تو ہمیں بھی کوئی شوق نہیں۔
چیئرمین پی سی بی نے کہا کہ ریڈ بال کے کوچ کا ابھی فیصلہ ہونا باقی ہے، ٹیم اس پر کام کر رہی ہے، بھارتی انڈر19 ٹیم کے رویے پر آئی سی سی سے بات ہو گی۔
اُن کا کہنا تھا کہ آئی سی سی کو بھارتی رویے پر لکھ رہے ہیں، آسٹریلیا کے خلاف ہوم سیریز کے اب تک 3 ہی ٹی ٹوینٹی شیڈولڈ ہیں۔
