فرمان الہی
نماز کے اوقات
وفاقی وزیر داخلہ محسن نقوی سے گورنر خیبر پختونخوا فیصل کریم کنڈی نے ملاقات کی ہے جس میں صوبے میں امن و امان کی صورتحال پر تفصیلی تبادلہ خیال کیا گیا ہے۔
گورنر خیبرپختونخوا نے صوبے کے سیکیورٹی چیلنجز سے وفاقی وزیر داخلہ کو آگاہ کیا۔ جبکہ ملاقات کے دوران سرحدی علاقوں میں سیکیورٹی اقدامات اور خوارجیوں کے خلاف آپریشنز پر گفتگو بھی ہوئی۔
محسن نقوی نے خیبر پختونخوا میں امن و امان کے لیے ہر ممکن تعاون کی یقین دہانی کرواتے ہوئے کہا کہ صوبے میں امن اولین ترجیح ہے، وفاقی حکومت ہر طرح سے سپورٹ کیلئے تیار ہے۔
ان کا کہنا تھا کہ دہشتگردی سے جنگ میں خیبر پختونخوا کے عوام کی قربانیوں کو قدر کی نگاہ سے دیکھتے ہیں۔
وزیر داخلہ کا کہنا تھا کہ فتنہ الخوارج اور سہولت کاروں کا خاتمہ مشترکہ اقدامات سے کیا جا رہا ہے۔ خوارجیوں کے خلاف کسی قسم کی رعایت نہیں برتی جائے گی۔
اس موقع پر گورنر خیبر پختونخوا فیصل کریم کنڈی کا کہنا تھا کہ صوبے میں امن و امان کے قیام کے لیے وفاقی تعاون ناگزیر ہے۔ دہشتگردی کے خاتمے کےلیے مشترکہ اور مربوط اقدامات کی ضرورت ہے۔
