اسلام آباد (حنیف خالد) ڈائریکٹریٹ جنرل انٹیلی جنس انوسٹی گیشن کی ہدایت پر کسٹم انٹیلی جنس رینج آفس ملتان کی چھاپہ مار ٹیم نے ایک ٹرک کو روک کر اس کی تلاشی لی۔ ٹی کے جے 626 نمبری ٹرک چمن کوئٹہ کے راستے ملتان آ رہا تھا۔ اس میں سے 80 لاکھ روپے مالیتی غیرملکی سگریٹ اور انڈین گٹکا (پان پراگ) برآمد ہوا۔ رائیل بزنس سگریٹ ساختہ انگلینڈ کے 252 کارٹن، آشیما سگریٹ ساختہ سوئٹزرلینڈ کے 200 کارٹن، 150 کلوگرام انڈین گٹکا پکڑا گیا جس کی مجموعی مالیت 80 لاکھ روپے ہے۔ یہ مال قبضے میں لے لیا گیا ہے۔ ٹرک بھی قبضے میں کسٹم انٹیلی نے لیا ہے جس کی مالیت 50 لاکھ روپے ہے۔ ملزمان مفرور ہیں۔
فرمان الہی
نماز کے اوقات
