فرمان الہی
نماز کے اوقات
سابق ٹیسٹ کرکٹر سعید اجمل کا کہنا ہےکہ اگر بھارت کو سیاست سے نہیں روک سکتے تو آئی سی سی کو بند ہوجانا چاہیے۔
کراچی میں پی سی سی ایل کے دوسرے ایڈیشن کی لانچنگ کے موقع پر میڈیا سے گفتگو میں سعید اجمل کا کہنا تھا کہ آئی سی سی فیئر اینڈ لوو کرکٹ کے ساتھ فیصلے کرے۔
انہوں نے کہا کہ فیئر فیصلہ کریں گے تو وہ ہی ہوگا، جو پاکستان اور دیگر کرکٹ بورڈ چاہتے ہیں، ایک ملک کی مرضی پر دنیا کی کرکٹ نہیں چل سکتی۔
سعید اجمل کا کہنا تھا کہ آئی سی سی کو پیغام ہے فیئر کرکٹ ہونی چاہے، پوری دنیا پاکستان آکر کھیل رہی ہے تو بھارت کو کیا درد ہے، جو وہ پاکستان نہیں آتا۔
انہوں نے کہا کہ پوری کرکٹ ایک ملک کے کہنے پر نہیں چل سکتی، پاکستانی کمیونٹی کے لوگ بڑی تعداد میں ان کو دیکھنے آتے ہیں۔
قومی ٹیم کے اسپینر عثمان طارق کے حوالے سے سعید اجمل کا کہنا تھا کہ عثمان طارق دیکھنے میں تو اچھے لگ رہے ہیں لیکن پی سی بی کو ایکشن لینا چاہیے کہ ہمارے کھلاڑیوں کے اوپر کیوں ایکشن کے مسائل آتے ہیں یا لائے جاتے ہیں۔
