فرمان الہی
نماز کے اوقات
پی ایس ایل کے چیف ایگزیکٹو سلمان نصیر کا کہنا ہے کہ پی ایس ایل کا برانڈ مسلسل اوپر جارہا ہے، ہم نے پہلے نمبر پر جانا ہے وہ بھی ملک کی آبادی بڑھائے بغیر۔
جیو نیوز کے پروگرام کپیٹل ٹاک میں گفتگو کرتے ہوئے پی ایس ایل کے چیف ایگزیکٹو سلمان نصیرنے کہا کہ پی ایس ایل اب پاکستان سے نکل کر دنیا کا بڑا برانڈ بن رہا ہے۔
سلمان نصیر کا کہنا تھا کہ پی ایس ایل کے دو نئے آنر آسٹریلیا اور امریکا سے تعلق رکھتے ہیں، ہم پلیئرز کی مراعات بڑھانے پر بھی بات کررہے ہیں۔
انہوں نے بتایا کہ اب دو نئی فرنچائز کو ساتھ لے کر کوئی لائحہ عمل طے کریں گے۔
ٹیم سیالکوٹ کے آنر حمزہ مجید نے پروگرام کپیٹل ٹاک میں گفتگو کرتے ہوئے کہا کہ وقت کی کمی کی وجہ سے ہمیں چلینجز کا سامنا ہے۔
حمزہ مجید کا کہنا تھا کہ پی ایس ایل کے گیارہویں ایڈیشن میں کم وقت ہے، سیالکوٹ کی ٹی ٹوئنٹی تاریخ بہترین رہی ہے، میں لاہور شہر کا رہنے والا ہوں۔
دوسری جانب پی ایس ایل ٹیم حیدر آباد کے نمائندے فیصل مرزا نے پروگرام کپیٹل ٹاک میں گفتگو کرتے ہوئے کہا کہ پی ایس ایل دنیا میں دوسرے نمبر پر دیکھا جاتا ہے۔
فیصل مرزا کا کہنا تھا کہ مزید دو ٹیم شامل ہونے سے ملک میں اکانومک ایکٹیویٹی بڑھے گی، ہماری کوشش ہے کہ ہم زیادہ سے زیادہ فینز کو شامل کریں، ہماری کوشش ہے کہ ہم لوکل لیول کا ٹیلنٹ اوپر لے کر آئیں۔
