فرمان الہی
نماز کے اوقات
عرصہ دراز سے پنجاب میں ٹیکس نہ دینے والوں کو ٹیکس نیٹ میں لانے کا فیصلہ کرلیا گیا۔
چیئرمین پنجاب ریونیو اتھارٹی معظم اقبال سپرا کی زیرِ صدارت فیلڈ آپریشن کی کارکردگی پر اجلاس ہوا۔ اس موقع پر معظم اقبال سپرا نے کہا کہ صوبے بھر میں سروسز فراہم کرنے والی کمپنیوں کو پی آر اے سے لازمی رجسٹریشن کروانا ہوگی۔
معظم سپرا نے کہا کہ ای آئی ایم ایس اور ٹیکس ادائیگی بھی یقینی بنانا ہوگی، محصولات کے اہداف اور ای آئی ایم ایس رجسٹریشن پر کارکردگی کا جائزہ لیا گیا۔
چیئرمین پی آر اے نے کہا کہ تمام فیلڈ ٹیموں کی استعداد کار بڑھانے کے لیے رواں ماہ ٹریننگ پروگرام کا آغاز کیا جائے گا، افسران فیلڈ آپریشنز میں اضافہ اور ٹیکس پیئرز کی آسانی کے لیے اقدامات یقینی بنائیں۔
اجلاس میں مقررہ اہداف مکمل نہ کرنے پر سرگودھا اور بہاولپور ڈویژن کی کارکردگی پر ناراضگی کا اظہار بھی کیا گیا۔
