سرگودھا/جوہر آباد( نمائندگان جنگ ) چیئرمین ماڈل بازار پنجاب ملک محمد ا فضل کھوکھر نے ماڈل بازار یونیورسٹی روڈ سرگودھا اور جوہر آباد میں ماڈل بازارکا اچانک دورہ کیااور دکانداروں و شہریوں سے مسائل دریافت کئے ۔سرگودھا میں دکانداروں نے کرایہ کو کم کرنے کی سفارش کے علاوہ مینجمنٹ کی طرف سے من پسند افراد کو سٹال الاٹ کرنے کی شکایات کی جس پر چیئرمین نے فوری نوٹس لیتے ہوئے ایم ڈی ماڈل بازارکو 24گھنٹوں کے اندر تمام معاملات کو خوش اسلوبی سے نمٹا نے کی ہدایت کی ۔انہوں نے گرین بیلٹ ‘ کنڈیکٹر کی طرف سے جھولے لگانے اور جھولوں کے ٹکٹوں میں 25فیصد تک از خود اضافے پر اظہار برہمی کرتے ہوئے ٹکٹوں میں اضافہ وا پس لینے او رگرین بیلٹ سے جھولے ہٹانے کی بھی ہدایت کی۔جوہر آباد میں چیئرمین ماڈل بازار نے تعمیراتی کام کی سست روی پر اظہار ناراضی کرتے ہوئےڈیڑھ کروڑ کے لیپ شدہ فنڈز ریوائز کرنے کیلئے تخمینہ بنوا کر بھجوانے کی ہدایت کی ۔
فرمان الہی
نماز کے اوقات
