فرمان الہی
نماز کے اوقات
ٹی ٹوئنٹی ورلڈ کپ میں پاکستان کی شرکت کے معاملے پر بھارتی میڈیا پاکستان پر پابندی اور جرمانے کے بعد اب مقدمے کی دھمکیوں پر آ گیا۔
پاکستان کی جانب سے بھارت کے خلاف میچ کے ممکنہ بائیکاٹ پر بھارتی میڈیا نے مالی نقصان کے ازالے کے مقدمے کا شوشا چھوڑ دیا ہے۔
بھارتی میڈیا کا کہنا ہے کہ پاکستان اگر بھارت کے خلاف میچ کا بائیکاٹ کرتا ہے تو اسے 38 ملین ڈالرز کا نقصان ہو گا۔
بھارتی میڈیا کے مطابق بھارت کے خلاف میچ کا بائیکاٹ آئی سی سی کے ممبرز پارٹیسپیشن ایگریمنٹ کی خلاف ورزی ہو گی جس پر براڈکاسٹرز پاکستان کے خلاف قانونی کارروائی کر سکتے ہیں۔
بھارتی میڈیا کا کہنا ہے کہ 38 ملین ڈالرز کی رقم پاکستان اور بھارت کے میچ سے ہی مشروط ہے جو کہ اشتہار، برانڈنگ اور اسپانسر شپ سے حاصل ہوتی ہے۔
بھارتی میڈیا کا دعویٰ ہے کہ میچ کے بائیکاٹ پر پاکستان کو سخت قانونی کارروائی کا سامنا کرنا پڑ سکتا ہے۔
واضح رہے کہ چیئرمین پی سی بی محسن نقوی نے ٹی ٹوئنٹی ورلڈ کپ میں شرکت کرنے یا نہ کرنے کا فیصلہ جمعے یا پیر کو کیے جانے کا اعلان کیا ہے۔
