فرمان الہی
نماز کے اوقات
آسٹریلوی کرکٹ ٹیم کے کپتان مچل مارش کا کہنا ہے کہ پاکستان کے فاسٹ بولرز کی تاریخ بہت اچھی ہے، شاہین آفریدی اچھے بولر ہیں، جو ہمارے لیے چیلنجنگ ہیں۔
لاہور میں پریس کانفرنس کرتے ہوئے انہوں نے کہا کہ سیریز اچھی ہو گی، تیاری اچھی کی ہے، ہم یہاں سیریز کھیلنے کے لیے پُرجوش ہیں، دونوں ٹیموں کے لیے یہ سیریز بڑی اہم ہے۔
مچل مارش کا کہنا ہے کہ ورلڈ کپ سے قبل یہ سیریز ہو رہی ہے، کچھ کھلاڑی دبئی میں موجود تھے، تیاری کر رہے ہیں، زیادہ تر کھلاڑی دبئی میں ٹریننگ کر رہے تھے۔
انہوں نے کہا کہ کل کے میچ کے لیے ہم اچھی تیاری کے ساتھ آئیں گے، پاکستان کے کھلاڑی بگ بیش کھیلے ہیں، اُمید ہے انہوں نے انجوائے کیا ہو گا، میں اپنے کھیلنے کے حوالے سے آج رات یا کل فیصلہ کروں گا۔
آسٹریلوی کپتان نے کہا کہ ہم نے اسپنرز کے لیے پلان کیا ہے، اٹیک کرنے کی کوشش کریں گے، ہمارے لیے یہاں کی کنڈیشنز چیلنجنگ ہوں گی۔
