فرمان الہی
نماز کے اوقات
لاہور میں داتا دربار کے قریب سیوریج لائن میں ماں بیٹی کے گرنے کی ابتدائی تحقیقاتی رپورٹ سامنے آ گئی۔
ابتدائی رپورٹ کے مطابق متاثرہ خاتون، بچی اور شوہر کو 6 بج کر 47 منٹ پر داتا دربار کے قریب شاپنگ کرتے دیکھا گیا، تینوں رات 7:22 پر داتا دربار کے سامنے پہنچے۔
رپورٹ میں کہا گیا کہ ساڑھے 7 بجے تینوں داتا دربار سے پرانی پرندہ مارکیٹ کی جانب جاتے دکھائی دیے، 7:32 پر ریسکیو 1122 کو خاتون اور بچی کے گرنے کی کال آئی، جس پر وہ 4 منٹ میں پہنچ گئے۔
ابتدائی رپورٹ کے مطابق خاتون کی ساس کو وہاں شور مچا کر لوگوں کو بلاتے ہوئے دیکھا گیا۔
دوسری جانب 1122 کے افسر فاروق امجد کے اپنے کسی افسر کو بھیجے گئے آڈیو میسج نے معاملے کو الجھایا، آڈیو میسج میں فاروق امجد نے کہا کہ میں نے اپنے طور پر تحقیقات کی ہیں۔
آڈیو میں ان کا کہنا ہے کہ میری لڑکی کے والد سے بات ہوئی ہے، وہ مشکوک ہے، اس کا والد بھی مشکوک ہے، میں یہ نہیں کہہ رہا کہ کال فیک ہے، لیکن آپ کی طرح میں مشکوک ہوں۔
آڈیو میسج میں کہا گیا ہے کہ ریسکیو 1122 پوری رات ریسکیو آپریشن کرتی رہی ہے، اس وقت تک آپریشن نہیں چھوڑتے جب تک تحقیقاتی ادارے بتا نہ دیں کہ یہ جھوٹ ہے۔
آڈیو میں کہا گیا ہے کہ وہاں کے حالات بتا رہے ہیں کہ ایسے واقعے کا چانس لگ نہیں رہا، ہم نہیں کہہ سکتے کہ فیک کال ہے، جب تک درست تحقیقات نہ آ جائیں کہ یہ فیک کال ہے۔
اس حوالے سے سیکریٹری ریسکیو رضوان نصیر کا کہنا ہے کہ یہ میسج کیوں اور کس کو بھیجا گیا اس کی تحقیقات کر رہے ہیں۔
