فرمان الہی
نماز کے اوقات
دولت مشترکہ ممالک کی پارلیمنٹری ایسوسی ایشن کے ارکان کی 5 روزہ کانفرنس 3 فروری سے کراچی میں شروع ہو رہی ہے، جس میں کئی ممالک سمیت پاکستان کی قانون ساز اسمبلیوں کے 150 سے زائد ارکان شرکت کریں گے۔
کانفرنس کے دوران امن اور جمہوری اعتماد، فیک نیوز، مصنوعی ذہانت اور غلط معلومات، موسمیاتی تبدیلی، ماحولیاتی قانون سازی سمیت صنفی مسائل جیسے اہم موصوعات پر گفتگو کی جائے گی۔
سندھ اسمبلی کے اسپیکر سید اویس قادر شاہ کے مطابق 3 سے 7 فروری تک سندھ اسمبلی کامن ویلتھ پارلیمنٹری ایسوسی ایشن، ایشیا ریجن کی 7ویں اور ایشیا اور جنوب مشرقی ایشیا ریجن کی دوسری مشترکہ پارلیمانی کانفرنس کی میزبانی کرے گی۔
جس میں پاکستان، سری لنکا، مالدیپ، ملائیشیا سمیت 17 قانون ساز اداروں سے تعلق رکھنے والے 150 سے زائد ارکانِ پارلیمنٹ، اسپیکرز، ڈپٹی اسپیکرز اور پارلیمانی ماہرین شرکت کریں گے۔
اسپیکر سندھ اسمبلی نے بتایا کہ انٹرنیشنل کانفرنس کا عنوان 'مستقبل کی پارلیمنٹ: اعتماد، شمولیت، جدت اور امن کے ذریعے جمہوریت کی نئی تعریف' ہے۔
کانفرنس کے دوران امن اور جمہوری اعتماد، پارلیمانی تعلیم، جعلی خبریں، مصنوعی ذہانت اور غلط معلومات، موسمیاتی تبدیلی، ماحولیاتی قانون سازی، صنفی مسائل، ٹیکنالوجی اور آن لائن ہراسانی جیسے اہم موضوعات پر سیشنز ہوں گے۔
کانفرنس سے کامن ویلتھ پارلیمنٹری ایسوسی ایشن کے سیکریٹری جنرل اسٹیفن ٹوِگ، اسپیکر قومی اسمبلی سردار ایاز صادق اور وزیراعلیٰ سندھ سید مراد علی شاہ خطاب کریں گے۔
