فرمان الہی
نماز کے اوقات
پاکستانی شوبز انڈسٹری کی معروف اداکارہ لائبہ خان نے اپنی شادی کی خوبصورت تصاویر شیئر کر دیں۔
فوٹوز اینڈ ویڈیوز شیئرنگ پلیٹ فارم انسٹاگرام پر اداکارہ کی جانب سے شیئر کی گئی تصاویر صارفین کی توجہ کا مرکز بن گئیں۔
سوشل میڈیا پر 40 لاکھ سے زائد فالوورز رکھنے والی اداکارہ حال ہی میں اس وقت خبروں کی زینت بنیں جب انہوں نے اپنی شادی کی تقریبات سے متعلق اپڈیٹس شیئر کیں۔
اس سے قبل انہوں نے مداحوں سے مدینہ منورہ میں ہونے والے نکاح کی خبر بھی شیئر کی، تاہم ان کی رخصتی کی تصاویر سوشل میڈیا پر زیرِ بحث آ گئیں۔
اداکارہ نے کراچی میں ہونے والی اپنی بارات کی تقریبات کی تصاویر اور ویڈیوز شیئر کیں، جن میں وہ سرخ رنگ کے عروسی لہنگے میں ملبوس نظر آئیں۔
ان کے لباس پر نفیس سنہری تلے اور دبکے کا کام کیا گیا تھا، جبکہ روایتی زیورات نے ان کے انداز کو کلاسک جنوبی ایشیائی دلہن کا روپ دیا، تاہم سوشل میڈیا صارفین کے مطابق اداکارہ نے رخصتی کے لیے بھارتی اداکارہ کترینہ کیف کی نقل کی ہے۔
واضح رہے کہ اداکارہ کی شادی کی بیشتر تقریبات نجی نوعیت کی رہیں، جن میں قریبی اہلِ خانہ اور دوستوں نے شرکت کی۔
مہندی اور قوالی کی تقریبات کراچی میں منعقد ہوئیں، جن میں شوبز انڈسٹری کی چند معروف شخصیات، جن میں فیروز خان، طوبیٰ انور، یاسر حسین سمیت دیگر نے شرکت کی۔
