فرمان الہی
نماز کے اوقات
بھارتی ٹیلی ویژن کے معروف اداکار کنول جیت سنگھ نے اپنی حالیہ پوڈکاسٹ میں گفتگو کرتے ہوئے پاکستان کی شوبز انڈسٹری اور بشریٰ انصاری کے ساتھ کام کرنے کا تجربہ شیئر کر دیا۔
کنول جیت سنگھ نے کہا کہ میں پہلے پاکستانی ڈرامے دیکھا کرتا تھا اور میں نے پاکستان میں بھی کام کیا ہے، میں نے بشریٰ انصٓری کے ساتھ کام کیا ہے، جو ناصرف ایک شاندار اداکارہ ہیں بلکہ میری بہترین دوست بھی ہیں اور بہت اچھی لکھاری بھی ہیں۔
انہوں نے کہا کہ ہم نے ویب سیریز کچھ دل نے کہا میں کام کیا، جسے میں نے پروڈیوس کیا، چونکہ میں پاکستان نہیں جا سکا اور وہ بھارت نہیں آ سکیں، اس لیے ہم نے یہ شو بینکاک میں فلمایا، وہ بہترین اداکارہ ہیں اور اچھی گلوکارہ بھی ہیں، ان کی بہن بھی ٹیلی ویژن پر کافی مشہور ہیں، ان کا خاندان خوبصورت اور فنکارانہ ماحول کا حامل ہے۔
اداکار نے یہ بھی کہا کہ بشریٰ انصاری کی بہن بھی اپنی اداکاری میں قابلِ تعریف ہیں اور ان کے کام کی تعریف کی جانی چاہیے۔
