فرمان الہی
نماز کے اوقات
پاکستانی شوبز انڈسٹری سے وابستہ معروف فنکار جوڑی شمعون عباسی اور ان کی چوتھی اہلیہ شیری شاہ نے انکشاف کیا ہے کہ ہم علیحدہ علیحدہ کمروں میں رہتے ہیں۔
حال ہی میں اس جوڑی نے نجی ٹی وی چینل کے پروگرام میں بطور مہمان شرکت کی جہاں انہوں نے مختلف امور پر اپنے خیالات کا اظہار کیا۔
اپنی ازدواجی زندگی کے بارے میں کھل کر گفتگو کرتے ہوئے انہوں نے کہا کہ ہم ایک دوسرے کو ہمیشہ اسپیس دیتے ہیں اور یہی بات ہمارے رشتے کو مزید مضبوط بناتی ہے اور ہمارے درمیان بہتر رابطے کا سبب بنتی ہے۔
شیری شاہ نے انکشاف کیا کہ ہم علیحدہ کمروں میں رہتے ہیں اور یہ فیصلہ ہم دونوں کے لیے نہایت مفید ثابت ہوا ہے۔
شمعون عباسی اور شیری شاہ کا کہنا تھا کہ ہم ایک دوسرے کو آزادی دینے پر یقین رکھتے ہیں۔
اس جوڑی کے مطابق ہر فرد کو سکون حاصل کرنے اور خود کو وقت دینے کے لیے اپنی جگہ درکار ہوتی ہے اور ہم ایک دوسرے کو یہ آزادی دیتے ہیں، تاہم انہوں نے واضح کیا کہ باہمی رابطہ وہ پہلو ہے جس پر ہم کبھی سمجھوتہ نہیں کرتے۔
