فرمان الہی
نماز کے اوقات
بھارت کے معروف کمنٹیٹر ہرشا بھوگلے کا کہنا ہے کہ بابر اعظم اور شاہین آفریدی جیسے عظیم کھلاڑیوں کی کارکردگی خراب ہونے پر پاکستانی ٹیم میں خلاء سا محسوس ہوتا ہے۔
ہرشا بھوگلے نے فوٹو اینڈ ویڈیو شیئرنگ ایپ انسٹاگرام پر اپنی ایک ویڈیو شیئر کی ہے۔
اس ویڈیو میں اُنہوں نے بابر اعظم کی تعریف کرتے ہوئے کہا ہے کہ میں بابر اعظم کا برسوں سے مداح رہا ہوں۔
ہرشا بھوگلے نے پاک بھارت میچ میں بابر اعظم کی کارکردگی کے بارے میں بات کرتے ہوئے کہا کہ اس سے کوئی فرق نہیں پڑتا کہ آپ کس ٹیم کے لیے کھیل رہے ہیں، جب کوئی عظیم کھلاڑی عام ہوتا نظر آتا ہے تو برا لگتا ہے اور مجھے ڈر ہے کہ بابر اعظم عام ہوتے لگ رہے تھے۔
اُنہوں نے کہا کہ میں صرف یہ سوچ رہا ہوں کہ کیا بابر اعظم دو سوچوں کے درمیان الجھے ہوئے ہیں ہے کہ اُنہیں اپنے کلاسک انداز میں کھیلنا ہے یا ٹی 20 کرکٹ کی نوعیت کے حساب سے ایسے شاٹس کھیل کر اپنے روایتی انداز کو کھونا ہے۔
ہرشا بھوگلے نے کہا کہ اسی الجھن کے نتیجے میں اُنہوں نے برا شاٹ کھیلا اور اب ایک برا شاٹ اور بابر اعظم ایک ساتھ بالکل نہیں چل سکتے۔
اُنہوں نے کہا کہ اگر آپ کچھ عرصے پہلے مجھ سے پوچھتے کہ مخالف ٹیم کے 2 اہم کھلاڑی کون ہوں گے تو میں بابر اعظم اور شاہین شاہ آفریدی کا نام لیتا لیکن مجھے اب ایسا محسوس نہیں ہوتا۔
ہرشا بھوگلے نے شاہین آفریدی کے بارے میں بات کرتے ہوئے کہا کہ شاہین آفریدی بحیثیت بولر خود پر سایہ نظر آتے ہیں۔
اُنہوں نے یہ بھی کہا کہ ان 2 عظیم کھلاڑیوں کی اچھی کارکردگی کے بغیر پاکستان کی ٹیم میں ایک خلاء سا محسوس ہوتا ہے۔
