فرمان الہی
نماز کے اوقات
کراچی (نیوز ڈیسک) امریکا کا چین پر خفیہ جوہری تجربے کا الزام، نئے شواہد سامنے آ گئے۔امریکی عہدیدار کا کہنا تھا کہ زلزلہ یا کان کنی نہیں، دھماکے کے شواہدہیں ،جبکہ عالمی مانیٹر نے بتایا کہ ڈیٹا حتمی نتیجے کیلئے ناکافی ہے ۔چین نے الزامات مسترد کرتے ہوئے معاہدے کی پاسداری کا دعویٰ کیا۔ادھر صدرٹرمپ نئے معاہدے کیلئے دباؤ ڈال رہے ہیں۔برطانوی خبر رساں ادارے کے مطابق امریکا نے چین پر جون 2020 میں خفیہ زیرِ زمین جوہری تجربہ کرنے کا الزام عائد کرتے ہوئے نئے شواہد پیش کیے ہیں، جن کے مطابق قازقستان کے ایک سیسمک اسٹیشن نے چین کے لوپ نور ٹیسٹ گراؤنڈز کے قریب 2.75 شدت کے ایک ایسے دھماکے کو ریکارڈ کیا جو امریکی عہدیدار کے بقول نہ زلزلہ تھا اور نہ کان کنی کی سرگرمی، بلکہ جوہری دھماکے سے مطابقت رکھتا ہے۔
