فرمان الہی
نماز کے اوقات
وفاقی وزیرِ تعلیم خالد مقبول صدیقی نے کہا ہے کہ آج پوری دنیا تعلیمی معیشت کی جانب بڑھ رہی ہے، تعلیم ترقی پزیر ممالک کا واحد راستہ ہے، ’نو چائلڈ لیفٹ بیہائنڈ‘ مہم شروع کر رہے ہیں تاکہ کوئی بچہ تعلیم سے محروم نہ رہے۔
اسلام آباد میں ’نو چائلڈ لیفٹ بیہائنڈ‘ مہم کی افتتاحی تقریب سے خطاب کے دوران خلاف مقبول صدیقی نے کہا کہ ہم سب کو تعلیم میں شراکت داری کرنی ہو گی، ہم لرننگ پروگرام کی افادیت کو بڑھانے کی کوشش کریں گے۔
انہوں نے مزید کہا کہ جب وزارت ملی تو تعلیم کے اعداد و شمار کافی خوفناک تھے، میں نے وزیرِ اعظم کو بتایا کہ ایک تعلیمی ایمرجنسی میں رہ ہے ہیں، تعلیم کی بہتری کے راستے میں بہت چیلنجز کا سامنا ہے۔
خالد مقبول صدیقی کا کہنا ہے کہ لوگوں کی سوچ بھی ایک چیلنج ہے، اسے بدلنا ہو گا، دیہی علاقوں میں تعلیم کا رجحان کم ہے، ہر گھر گلی محلے تک پہنچنا ہو گا تاکہ کوئی بچہ پیچھے نہ رہ جائے۔
وفاقی وزیرِ تعلیم نے یہ بھی کہا کہ ہمارا خطہ ترقی کر رہا ہے مگر ہمیں چیلنجز کا سامنا ہے، تعلیم کی بہتری کے لیے سہولتیں فراہم کریں گے۔
