فرمان الہی
نماز کے اوقات
بھارتی شہر بنگلورو میں ایک سابق آئی ٹی ملازمہ نے مبینہ طور پر گھریلو تنازعات سے تنگ آ کر خودکشی کر لی، متوفیہ کی شناخت سشما کے نام سے ہوئی ہے۔
بھارتی میڈیا کے مطابق واقعہ اس وقت پیش آیا جب سشما اور اس کی ساس کلپنا کے درمیان گھریلو معاملات، خصوصاً کھانا پکانے کے مسئلے پر مسلسل جھگڑے ہوئے۔
متوفیہ کے اہلِ خانہ نے بیٹی کے سسرالیوں پر الزام عائد کیا ہے کہ ساس سشما کو باورچی خانے میں کام کرنے اور اپنا من پسند کھانا بنانے کی اجازت نہیں دیتی تھی اور مختلف معاملات پر اسے ذہنی طور پر ہراساں بھی کرتی تھی۔
سشما کے اہلِ خانہ نے پولیس کو بیان میں بتایا ہے کہ ہماری بیٹی کافی عرصے سے ذہنی دباؤ کا شکار تھی۔
واقعے کے بعد پولیس نے مقدمہ درج کر کے تحقیقات شروع کر دی ہیں اور تمام پہلوؤں کا جائزہ لیا جا رہا ہے۔
پولیس حکام کا کہنا ہے کہ ابتدائی شواہد اکٹھے کیے جا رہے ہیں جبکہ اہلِ خانہ کے بیانات بھی ریکارڈ کر لیے گئے ہیں۔
پوسٹ مارٹم رپورٹ اور مزید تحقیقات کے بعد ہی واقعے کی اصل وجوہات واضح ہو سکیں گی۔
