کراچی(اسٹاف رپورٹر) گورنر سندھ و چانسلر ڈاکٹر عشرت العباد خا ن نے پروفیسر ڈاکٹر پروین شاہ کو مزید چار سال کے لئے شاہ عبد اللطیف یونیورسٹی خیر پور کا وائس چانسلر تعینات کردیا ہے ۔ دریں اثناءگورنر سندھ و چانسلر ڈاکٹر عشرت العباد خان نے ہیڈ آف ڈپارٹمنٹ الیکٹریکل اینڈ انرجی انجینئرنگ سکھر آئی بی اے پروفیسر ڈاکٹر مدد علی شاہ کو قائم مقام وائس چانسلر بینظیر بھٹو شہید یونیورسٹی آف ٹیکنالوجی اینڈ اسکل ڈیوپلمنٹ خیر پور تعینات کردیا ہے ۔ علاوہ ازیںگورنر سندھ ڈاکٹر عشرت العباد خان سے پروفیسر ڈاکٹر پروین شاہ اور پروفیسر ڈاکٹر مدد علی شاہ نے گورنر ہاؤس میں علیحدہ علیحدہ ملاقات کی۔ملاقات میں پروفیسر ڈاکٹر پروین شاہ اور پروفیسر ڈاکٹر مدد علی شاہ نے گورنر سندھ کو تعلیم نظام کیلئےکی جانے والی کاوشوں سے تفصیلی سے آگاہ کیا۔
فرمان الہی
نماز کے اوقات
