فرمان الہی
نماز کے اوقات
وزیراعلیٰ بلوچستان سرفراز بگٹی نے کہا ہے کہ دہشت گردی کے خلاف جنگ فیصلہ کن مرحلے میں ہے۔
زیارت پہنچنے پر میڈیا سے گفتگو میں سرفراز بگٹی نے کہا کہ حکومت عوام کو تنہا نہیں چھوڑے گی، حالات مشکل ضرور ہیں مگر اپنی ذمے داریوں سے پیچھے نہیں ہٹیں گے۔
انہوں نے کہا کہ دہشت گردی کے خلاف جنگ فیصلہ کن مرحلے میں ہے، زیارت میں پولیس کے بہادر جوانوں نے آخری سانس تک مردانہ وار مقابلہ کیا۔
وزیراعلیٰ بلوچستان نے مزید کہا کہ شہداء کے بچوں کی تعلیم، کفالت کی ذمے داری صوبائی حکومت اٹھائے گی۔
اُن کا کہنا تھا کہ بند کمروں میں بیٹھ کر حالات کا مقابلہ نہیں کیا جاسکتا،حالات اتنے اچھے نہیں، لیکن عوام کی حفاظت کے لئے خود نکلنا ہوگا۔
