فرمان الہی
نماز کے اوقات
بالی ووڈ کے آنجہانی سینئر اداکار نانا پاٹیکر کی غیر فطری موت (یو ڈی) کا مقدمہ درج کر لیا گیا۔
غیر ملکی میڈیا کی رپورٹس کے مطابق بھارتی ریاست گوا کی پولیس نے بھارتی شہری تحفظِ انصاف قانون (بی این ایس ایس) کی دفعہ 194 کے تحت نانا پاٹیکر کی غیر فطری موت (یو ڈی) کا کیس درج کیا ہے۔
75 سالہ اداکار کی موت گزشتہ روز علی الصبح گوا میں اپنی رہائش گاہ پر دل کا دورہ پڑنے کے بعد واقع ہوئی تھی۔
پولیس ریکارڈ کے مطابق قومی فلم ایوارڈ یافتہ اداکار کو ان کی رہائش گاہ سے اسپتال لایا گیا، جہاں پہنچنے پر انہیں مردہ قرار دے دیا گیا۔
میڈیا رپورٹس کے مطابق واقعے کی مزید تحقیقات جاری ہیں، جن کی نگرانی پولیس سب انسپکٹر نتن نائک کر رہے ہیں۔
نانا پاٹیکر کی موت کے معاملے میں پولیس کیس کا اندراج معمول کی قانونی کارروائی ہے، کیونکہ اداکار اپنی رہائش گاہ پر اکیلے تھے اور انہیں اسپتال مردہ حالت میں لایا گیا تھا۔
ایسے معاملات میں پولیس غیر فطری موت کا کیس درج کرتی ہے تاکہ کسی بھی مشتبہ پہلو یا ممکنہ مجرمانہ کارروائی کے امکان کو مسترد کیا جا سکے۔
اس معاملے میں اسپتال کی جانب سے پولیس کو رپورٹ دیے جانے کے بعد کیس درج کیا گیا۔
واضح رہے کہ نانا پاٹیکر کی آخری رسومات گزشتہ رات پونا میں واقع ان کے فارم ہاؤس پر مکمل سرکاری اعزازات کے ساتھ ادا کی گئیں۔
