انوابشاہ (بیورورپورٹ) نوابشاہ کرکٹ لیگ نوابشاہ قلندر نے سنسنی خیز مقابلے کے بعد جیت لی۔میچ کا فیصلہ آخری گیند پر ہوا۔ تفصیلات کے مطابق نوابشاہ کرکٹ لیگ کا فائنل میچ بلاول اسپورٹس اسٹیڈیم میں نوابشاہ قلندر اور سکرنڈ گلیڈیئٹر کے درمیان کھیلا گیا۔ نوابشاہ قلندر نے پہلے بیٹنگ کرتے ہوئے مقررہ بیس اوورز میں80 رنز کا ٹارگٹ دیا تھا۔ نوابشاہ قلندرکی طرف سے کھیلنے والے ٹیسٹ کرکٹر محمد طلحہ اور فرسٹ کلاس کرکٹر کاشف بھٹی نے بہترین بولنگ کا مظاہرہ کرتے ہوئے اپنی ٹیم کی جیت میں مرکزی کردار ادا کیا۔ اس موقع پر مہمان خصوصی ایم پی اے ضیاء الحسن لنجار نے ونر ٹیم کو ایک لاکھ روپے اور رنز ٹیم کو پچاس ہزار روپے کیش پرائز دیا جبکہ نوابشاہ قلندر کے کاشف بھٹی کو مین آف دی سریز اور مین آف دی میچ قرار دیا گیا۔نوابشاہ کرکٹ لیگ کے چیئرمین ارشد قریشی،میونسپل کمیٹی کے نامزد چیئرمین عظیم مغل، وائس چیئرمین خان بہادر بھٹی، ڈسٹرکٹ بار کے جنرل سیکڑیٹری غلام شبیر زرداری اور دیگر نے بھی کھلاڑیوں میں انعامات تقسیم کئے۔
فرمان الہی
نماز کے اوقات
