ملتان (سٹاف رپورٹر،نمائندگان جنگ )ملتان و دیگر شہروں میں حادثے، خاتون اوربچے سمیت 9افراد جاں بحق ہو گئے تفصیل کے مطابق تھانہ مظفر آباد کے علاقے چائنہ چوک کے نزدیک تیز رفتار بس نے چالیس سالہ موٹرسائیکل سوار مرید حسین کو کچل ڈالا جو کہ زخموں کی تاب نہ لاکر دم توڑ گیا جبکہ تھانہ مخدوم رشید کے علاقے وہاڑی روڈ ا ٹھارہ کسی کے نزدیک تیز رفتار ڈالا موٹرسائیکل رکشہ سے ٹکرایا جس کے باعث بیس سالہ وقاص ولد شاکر جاں بحق جبکہ دوسرا بھائی سعید احمد ولاد شاکر زخمی ہو گیا جس کو نشتر منتقل کر دیا گیا ہے جبکہ دیگر حادثات میں رفعت، شاہدہ، ثمینہ، صفدر، صمد، عبدالرحمن، کامران ، طارق، سعید، رفیق، اور اقبال زخمی ہو گئے جن کو ریسکیو۱۱۲۲ نے نشتر منتقل کر دیا ہے ۔گزشتہ روز سنجر پور کا65سالہ بہادر علی سڑک کراس کررہاتھا کہ تیز رفتار موٹرسائیکل سوار نے اسے کچل ڈالا جس کے نتیجہ میں وہ شدید زخمی ہوگیا اور رحیم یارخان ہسپتال میں دم توڑگیاعلاوہ ازیں لیہ کا منظر عباس اپنے بھتیجوں شہاب حیدر،ذیشان حیدر اور سدرہ بی بی کے ہمراہ موٹر سائیکل پر لیہ کروڑ روڈ پر جا رہا تھا کہ اڈا نوشہرہ کے قریب موٹر سائیکل درخت سے جا ٹکرائی جس کے نتیجہ میں چاروں سوار شدید زخمی ہو گئے اڑھائی سالہ شباب حیدر جاں بحق ہو گیا جبکہ 8سالہ ذیشان حیدر،6سالہ سدرہ بی بی کو نشتر ہسپتال ملتان ریفر کر دیا گیا جبکہ منظر عباس ڈی ایچ کیو ہسپتال زیر علاج ہے دریں اثنا بوریوالاچک125/WBمیلسی کارہائشی صبح صادق چوہان اپنی بیوی غلام فاطمہ کے ہمراہ موٹرسائیکل پر جارہاتھا چوک چونگی نمبر5کے قریب آئل ٹینکرنےکا ٹائر غلام فاطمہ کے سرکوکچلتے ہوئے گزرگیا جبکہ صبح صادق بھی شدید زخمی ہوگیا ادھر راولپنڈیسے وہاڑی آنیوالی بس بھیرہ انٹر چینج کے قریب سامنے سے آنے والے تیز رفتار ٹریلر سے ٹکرا گئی وہاڑی کا رہا ئشی گن مین جا ں بحق جبکہ ایس ڈی او جنگلات وہاڑی راجہ جاوید سمیت وہاڑی سے تعلق رکھنے والے15مسافر شدید زخمی ہو گئے جس پر ریسکیو1122کی ٹیموں نے مقامی ہسپتالوں شفٹ کردیا جہاں ڈاکٹروں کے مطابق سات مسافروں کی حالت تشو یشناک بتائی جا تی ہے۔نوتک مہمید اڈہ پر تیز رفتارمسافر کوچ نے اچانک موٹر سایئکل پر سوار بیس سالہ نوجوان خلیق ماچھی کو ٹکر مار کر موٹرسایئکل سے نیچے گرا دیا جس سے وہ زخموں کی تاب نہ لاکر دم توڑ گیا اسی طرح کیری ڈبہ ڈرائیور نے تیز رفتاری کے باعث پچاس سالہ بزرگ غلام نبی کو ٹکر ماردی اور وہ شدید زخمی ہوگیااور ہسپتال میں دم توڑ گیا بستی ملانہ کے نزدیک موٹرسایئکل سوار نے سائیکل پر جاتے ہوئے طالب علموں کو ٹکر ماردی وہ شدید زخمی ہو گئے ۔دنیا پورسپر ہائی وے پر پل محمود کے قریب دو ٹریلروں میں اس وقت تصادم ہوگیا جب آ گے جانے والے ٹریلر نے اچانک بریک لگا دی جس کے نتیجے میں پیچھے سے آ نے والا ٹریلر ززوردار دھماکے سے اس کے ساتھ جا ٹکرایا جس کے باعث ڈرائیور منظور احمد کھوکھر سکنہ خان پور جبکہ اس کے ساتھ بیٹھے دو افراد زاہد اور منصور شدید زخمی ہوگئے۔
فرمان الہی
نماز کے اوقات
