باراک اوبامہ چین میں طیب اردگان سے ملاقات کرینگے

امریکی صدر باراک اوباما ترکی کے صدر طیب اردگان سے آئندہ اتوار کو چین میں ملاقات کریں گے ، یہ ملاقات چین کے شہر ہانگ ژو میں منعقد ہونے والی جی ٹوئنٹی کانفرنس کے موقع پر ہو گی ۔

دوروزہ جی20-کانفرنس چار ستمبر سے منعقد ہو گی ،صدر اوباما طیب اردگان کے ساتھ ترکی میں انقلاب کی ناکامی کے بعد پیدا ہونے والی صورتحال کے علاو ہ شام میں مہاجرین کے مسائل پر بھی بات چیت کریں گے ۔

امریکی قومی سلامتی کے نائب مشیر بن راہوڈز نے اخبار نویسوں کودونوں صدور کی ملاقاتوں کے حوالے سے بتایا کہ اس موقع پر دونوں شام سمیت اہم امور پر بھی بات چیت کرینگے ۔ ترکی میں فوجی بغاوت کی ناکامی کے بعد امریکی صدر اور ترک صدر کے درمیان یہ پہلی ملاقات ہو گی ۔