کراچی (اسٹاف رپورٹر)امیر جماعت اسلامی پاکستان سینیٹر سراج الحق نے کہا ہے کہ کراچی کی تعمیر و ترقی میں جماعت اسلامی کا بنیادی اور تاریخی کردار رہا ہے جبکہ امیر جماعت اسلامی کراچی حافظ نعیم الرحمٰن نے کہا ہے کہ ہم سمجھتے ہیں کہ کراچی کو پچھلے 30سالہ لسانی سیاست کے تناظر میں دیکھا جائے تو تباہی و بربادی کراچی کا مقدربنی ہے اور اس میں ایم کیو ایم کاکردار کلیدی ہے ۔امیر جماعت اسلامی پاکستان سینیٹر سراج الحق کی زیر صدارت ادارہ نور حق میں جماعت اسلامی کے مرکزی ۔صوبائی ذمہ داران اور کراچی کے رہنمائوں کا ایک اعلیٰ سطح کا اجلاس منعقد ہوا جس میں کراچی کے حالات اور موجودہ صورتحال کا جائزہ لیا گیا اور متعدد تجاویز اور آراءکی روشنی میں جماعت اسلامی کراچی کی آئندہ کی حکمت عملی اور کردار کے حوالے سے اہم فیصلے اور اقدامات تجویز کیے گئے ۔ اجلاس میں جماعت اسلامی پاکستان کے مرکزی جنرل سکریٹری لیاقت بلوچ ، مرکزی نائب امراءاسد اللہ بھٹو ، راشد نسیم ، میاں محمد اسلم ، مرکزی ڈپٹی سکریٹری محمد اصغر ، صوبہ سندھ کے امیر ڈاکٹر معراج الہدیٰ صدیقی ، نائب امراءسندھ محمد حسین محنتی، جنرل سکریٹری ممتاز سہتو، امیر جماعت اسلامی کراچی حافظ نعیم الرحمٰن ، سکریٹری کراچی عبد الوہاب ، نائب امراءکراچی اور امراءاضلاع نے شرکت کی۔
فرمان الہی
نماز کے اوقات
