کراچی( اسٹاف رپورٹر) متحدہ قومی موومنٹ پاکستان کے سربراہ ڈاکٹر محمد فاروق ستار سے ایم کیو ایم کے عارضی مرکز ڈاکٹر محمد فاروق ستار کی رہائشگاہ واقع پی آئی بی کالونی میں سندھ کے تین زونز ،کشمور ، گھوٹکی اور بدین زون کے زونل انچارجز اور اراکین نے ہفتے کو ملاقات کی اور اپنی اور کارکنان کی جانب سے ایم کیو ایم پاکستان کے سربراہ ڈاکٹر محمد فاروق ستارکو مکمل حمایت کا یقین دلایا ۔اس موقع پر ان کے ہمراہ سندھ تنظیمی کمیٹی کے انچارج مسعودمحمود صدیقی و دیگر اراکین بھی موجود تھے ۔ سندھ تنظیمی کمیٹی کے انچارج ، اراکین ، زونل کمیٹیز کے ذمہ داران و اراکین نے ایم کیوا یم پاکستان کے سربراہ ڈاکٹر فاروق ستار سے ملاقات کے موقع پرکہا کہ جس مشکل وقت میں آپ نے پارٹی کو سنبھالا اس پر ہم آپ کو زبردست خراج تحسین پیش کرتے ہیں اور امید کرتے ہیں کہ ایم کیو ایم پاکستان اس بحران سے نکلنے میں کامیاب ہوگی۔
فرمان الہی
نماز کے اوقات
