اسلام آباد(نمائندہ جنگ) مسلم لیگ (ق) کے مرکزی رہنماچوہدری پرویزالہیٰ نے کہا ہے کہ نوازشریف کیلئے حالات تبدیل ہو چکے ہیں، ان کی اتحادی جماعتیں بھی اب ان کے ساتھ نہیں ہیں، سانحہ ماڈل ٹائون کے متاثرین کو انصاف ضرور ملنا چاہئے اور ملک دشمنوں کو صرف اس لیے کھلی چھٹی نہیں ہونی چاہئے کہ وہ وزیراعظم کے ساتھ اور ان کی حکومت میں شاملہیں۔ سابق سینئر بیوروکریٹ جی ایم سکندر کی صاحبزادی کی شادی میں شرکت کے موقع پر میڈیاسے گفتگو کرتے ہوئے پرویز الہیٰ نے کہا کہ عمران خان نے 3ستمبرکی ریلی میں شرکت کیلئے تمام جماعتوں کو دعوت دی تھی ہماری جماعت نے ان کی خصوصی دعوت پر بھرپور شرکت کی۔ انہوں نے کہا کہ 2014ء میں عمران خان کے دھرنے کی مخالف جماعتیں بھی اب ان کے ساتھ ہیں یہاں تک کہ پیپلزپارٹی جو اس وقت ن لیگ کے ساتھ تھی اس کے رہنما بھی گذشتہ روز کی ریلی میں شریک تھے، موجودہ اجتماع پہلے سے زیادہ موثر اور بھرپور تھا۔ نوازشریف کی جانب سے نئے ہسپتال قائم کرنے کے اعلان پر تبصرہ کرتے ہوئے انھوں نےکہا کہ وہ اپنے بھائی سے پنجاب کے سرکاری ہسپتالوں کی حالت زار کو تو بہتر بنوائیں جہاں غریب مریض رل رہے ہیں۔ حکمرانوں کو ڈرامے کرنے کا اب کوئی فائدہ نہیں عوام جان چکے ہیں کہ مفاد پرست حکمرانوں میں ان کے مسائل حل کرنے کی اہلیت ہے نہ دلچسپی۔
فرمان الہی
نماز کے اوقات
