لاڑکانہ ( بیورو رپورٹ) پیپلز پارٹی ( شہید بھٹو) کے بانی چیئر مین میر مرتضیٰ بھٹو کی 20ویں برسی کی مرکزی تقریب کے اختتام کے بعد پارٹی کے کارکن پنڈال میں موجود پارٹی کے جھنڈوں اور بینروں کے حصول کے لئے ایک دوسرے سے الجھ پڑے ۔ اس موقع پرشدید بد نظمی دیکھنے میں آئی۔ متعدد کارکن پتنگیں لوٹنے کی طرز پر پارٹی جھنڈوں اور بینروں پر پل پڑے۔اس دوران بعض کارکنوں کے درمیان ہاتھا پائی ہوتے ہوتے معاملہ لڑائی میں تبدیل ہو گیا۔ کارکنوں نے ایک دوسرے پر مکوں اور لاتوں کی بارش کر دی۔ اس دوران ایک کارکن جوش میں آ کر پنڈال میں لگے بیس فٹ اونچے بانس پر چڑھ گیا اور وہاں لگے پارٹی کے جھنڈے اچک لینے میں کامیابی حاصل کر لی۔
فرمان الہی
نماز کے اوقات
