پشاور (خصوصی نامہ نگار) نمرہ عقیل نے لائبہ اعجاز کو تین ایک سے شکست دیکر قومی جونیئر خواتین سکواش چیمپئن شپ جیت لی، پاکستان سکواش فیڈریشن کے نائب صدر سابق عالمی چیمپئن قمر زمان نے کھلاڑیوں میں انعامات تقسیم کئے، اس موقع پر عبدالرئوف اور خیبر پختونخوا سکواش ایسوسی ایشن کے ایسوسی ایٹ سیکرٹری منور زمان بھی موجود تھے۔ پی اے ایف ہاشم خان سکواش کمپلیکس میں کھیلے گئے فائنل کے پہلے سیٹ میں ٹاپ سیڈ لائبہ اعجاز نے11-3سے کامیابی حاصل کی تاہم وہ کامیابی کا تسلسل برقرار نہ رکھ سکی اور نمرہ عقیل نے دوسرے سیٹ سے میچ پر گرفت مضبوط کرتے ہوئے 11-8 سے کامیابی حاصل کرتے ہوئے میچ برابر کر دیا، جس کے بعد نمرہ عقیل کا پلڑا بھاری رہا انہوں نے تیسرے سیٹ میں 11-6 اور چوتھے سیٹ میں بھی 11-6 سے کامیابی حاصل کرتے ہوئے چیمپئن شپ کا ٹائٹل جیت لیا۔ چیمپئن میں ملک بھر سے خواتین کھلاڑیوں نے حصہ لیا۔
فرمان الہی
نماز کے اوقات
