ملتان (نمائندگان جنگ )بہاولنگر میں بس موٹر سائیکل پر الٹ گئی ،باپ 3بچوں سمیت جاں بحق ہو گیا جبکہ دیگر حادثوں میں 6ہلاک ہوگئے تفصیل کے مطابق محمدپوردیوان کی بستی میوکا محبوب احمدمیو اپنی ہمشیرہ ساجدہ بی بی کے ہمراہ موٹرسائیکل پرجارہاتھا کہ مالووالی ڈاف کے نزدیک ویگن نے موٹرسائیکل کو ٹکرماردی جس سے دونوں بہن بھائی گر کر شدید زخمی ہوگئےجنہیں محمدپور سے ڈیرہ ریفر کیا گیا۔ راستے میں محبوب احمد دم توڑ گیا جبکہ خاتون کو ڈیرہ ہسپتال میں داخل کردیا گیا ہے علاوہ ازیں بہاول نگر چشتیاں روڈ پر سگریٹ فیکٹری کے قریب بس الٹ گئی جس سے موٹرسائیکل سوار والد ،دو بچیاں اور ایک بچہ جاں بحق ہوگئے۔ بدنصیب خاندان کے افراد مراد خان ، 14سالہ عذرا بی بی ،10 سالہ ذولیخا اور 8سالہ سکندر شادی سے واپس آرہےتھے۔دریں اثنا رحیمیار خان فتح پور قریشیاں کا رہائشی پندرہ سالہ شاہد اپنے دوستوں کو شیخ واہن بس سٹاپ پر چھوڑ کر واپس آرہا تھا کہ غلط ٹرن لینے کی کوشش کے دوران پیچھے سے آنے والے ٹریلرکی زد میں آکر موقع پر جاں بحق ہو گیا مزید برآں ٹھٹھہ صادق آباد ویگن سٹینڈ کے سامنے سروس سٹیشن ملازم نوید احمد کا 4سالہ بیٹا محمد بلال سڑک کراس کر رہا تھا کہرکشہ کی ٹکر سے جاں بحق ہوگیا ادھر محلہ رحمانیہ میاں چنوں کے محمد بشیر اور محمد زاہد موٹر سائیکل پرجا رہے تھے کہ جی ٹی روڈ پرلاری اڈا کے قریب ایک ٹریکٹر ٹرالی نے سے ٹکرا کر شدید زخمی ہو گئےمحمد زاہد دم توڑ گیا وہاڑی روڈ پر تھانہ چھب کلاں کے قریب دو تیز رفتار موٹر سائیکلیں ٹکرا گئیں جس کے نتیجے میںعلیم گجر موقع پر جاں بحق ہوگیا جبکہ تین زخمی ہو گئےنواحی گاؤں133سولہ ایل میں کام کرتے دو مزدور شفاقت اور اس کا ساتھی دیوار گرنے سے نیچے دب کر زخمی ہو گئے جن کونشتر ریفر کر دیا گیا ہے ، وجھیانوالہ چک نمبر 157 این بی سلا نوالی ضلع سرگودھا کا رہائشی محمد علی جو چک نمبر 81 پندرہ ایل میں اپنے ماموں خورشید کے ہاں آیا ہوا تھا موٹر سائیکل پر اپنے ساتھی کے ہمراہ وجھیانوالہ جاتے ہوئے دوسرے موٹر سائیکل سے ٹکرا گئے جس سے مہمان محمد علی موقع پر ہی ہلاک ہو گیا اوراسکے ساتھی کو بھی چوٹیں آ ئ جبکہ دوسرے موٹر سائیکل پر سوار جہانگیر کی ٹانگ ٹوٹ گئی ۔
فرمان الہی
نماز کے اوقات
