ملتان(سٹاف رپورٹر) ملتان شہر میں ایک ہی دن میں تین کزنوں سمیت 6 لڑکیاں اغوا ،پولیس نے 9 افراد کے خلاف مقدمات درج کر لئے ، عبدالمنان نے پولیس تھانہ ممتاز آباد کو تحریری طور پر آگاہ کیا کہ اس کی 12سالہ بیٹی زرتاج، اپنی کزنوں 12سالہ آرمینہ، اور 17سالہ آمنہ کے ساتھ گھر میں موجود تھیں جن کو محمد ندیم، محمد نعیم، اور محمد اشرف اغوا کر کے فرار ہو گئے ،جس پر پولیس نے مقدمہ درج کر لیا ، اور ملزمان کی تلاش شروع کر دی ہے، دریں اثناء پولیس تھانہ کینٹ نے محمد شاکر کی تحریری درخواست پر اس کی بیٹی مقدس کے اغوا کرنے کے الزام میں محمد صابر اور تین نامعلوم کے خلاف مقدمہ درج کر لیا ہے ،پولیس تھانہ صدر جلال پور نے عاشق کی تحریری درخواست پر اس کی بیٹی عظمیٰ کو ا غوا کرنے کے الزام میں سلیم اور اس کے نامعلوم ساتھیوں کے خلاف مقدمہ درج کر لیا ہے ،پولیس تھانہ شاہ رکن عالم نے سمن آباد کے رہائشی اصغر کی تحریری درخواست پر اس کی بیٹی کو اغوا کرنے کے الزام میں نامعلوم ملزمان کے خلاف مقدمہ درج کر لیا ، اصغر کے مطابق اس کی12 سالہ بیٹی گھر سے سودا سلف لینے کے لئے آئی تھی جو کہ گھر واپس نہ آئی ۔
فرمان الہی
نماز کے اوقات
