کراچی(اسٹاف رپورٹر) صوبائی وزیر صنعت وتجارت منظور حسین وسان نے جمعرات کو ایکسپو سینٹر میں نمائش کے دورہ کے دوران میڈیا سے بات چیت کے دوران سیاسی پیشنگوئی کرتے ہوئے کہا ہے کہ ایم کیو ایم کے فاروق ستار کا کوئی فیوچر نظر نہیں آرہا ایم کیو ایم کی باگ ڈوراب گورنر سندھ اور پرویز مشرف سنبھالیں گے ایم کیو ایم مائنس الطاف بن چکی ہے الطاف حسین کی ایم کیو ایم کا کچھ پتا نہیں باقی چارا یم کیو ایم بن چکی ہیں، جس میں ایم کیو ایم لندن،ایم کیو ایم حقیقی،ایم کیوایم پاکستان اور پاک سرزمین شامل ہیں۔ منظور وسان نے کہا 2017کا سال کراچی کے مستقبل کے لیے بہت اچھا سال ثابت ہوگا، پیپلز پارٹی 2018کے عام انتخابات میں کراچی کے شہری علاقون سے بھی نشستیں حاصل کریگی۔
فرمان الہی
نماز کے اوقات
