لندن (جنگ نیوز) مشہور برطانوی باکسر ٹائیسن لیوک فیوری نے عالمی باکسنگ سے ریٹائرمنٹ کا اعلان کردیا۔لیکن تین گھنٹے بعد ہی اس سے مکر گئے۔ قبل ازیں ٹائیسن نے اپنے پیغام میں کہا کہ میں نے جتنے بھی مقابلے کئے ان میں باکسنگ ایک مایوس کن حصہ تھا، ان تمام خامیوں کے باوجود میں عظیم ترین ہوں اور میں نے کنارہ کشی بھی اختیار کرلی ہے۔مگر اس اعلان کے تین گھنٹے بعد ہی فیوری کا کہنا تھا کہ میں مذاق کررہا تھا ۔ آپ کا کیا خیال ہے کہ جپسی کنگ سے نجات پانا اتنا آسان ہے ؟ ان کا کہنا تھا کہ میں جیسے ہی بہتر ہوں گا اپنے دفاع کیلئے تیار ہونگا ۔ واضح رہے ٹائی سن فیوری کو برطانیہ کی اینٹی ڈوپنگ ایجنسی مثبت ٹیسٹ کے باعث سزا بھی دے چکی تھی جبکہ انھوں نے ان تازہ خبروں کو مسترد بھی نہیں کیا تھا۔ مشہور باکسر ناقابل شکست رہنے والے ٹائی سن فیوری نے 25 مقابلوں میں حصہ لیا اور تمام میچوں میں فاتح رہے۔
فرمان الہی
نماز کے اوقات
