گوجرانوالہ(نمائندہ جنگ)الیکشن کمیشن نے گوجرانوالہ ضلع کی مخصوص بلدیاتی سیٹوں پر الیکشن کروانے کیلئے شیڈول جاری کردیا، الیکشن کمیشن ہیڈکوارٹر اسلام آباد کے جوائنٹ سیکرٹری عطا الرحمان کی طرف سے جاری کئے جانے والے نوٹیفکیشن کے مطابق ریٹرننگ افسران 6 اکتوبر کو پبلک نوٹس آویزاں کریں گے،امیدواران 14اور 15اکتوبر کو کاغذات نامزدگی جمع کروائیں گے، 17اور 18اکتوبر کو کاغذات نامزدگی کی جانچ پڑتال ہوگی، امیدواروں کے کاغذات منظور یا مسترد ہونے کے خلاف اپیلیں 20اکتوبر کو دائر کی جاسکیں گی، 22اکتوبر کو اپیلٹ اتھارٹی تمام اپیلوں پر فیصلے سنائیں گے، 24اکتوبر کو کاغذات نامزدگی واپس لئے جاسکیں گے، امیدواروں کی حتمی لسٹ 25اکتوبر کو جاری کی جائے گی اور اسی روز امیدواروں کو انتخابی نشانات الاٹ ہوں گے۔ میونسپل کارپوریشن اور ضلع کونسل کی مخصوص سیٹوں پر الیکشن 8نومبر، میونسپل کمیٹیوں کی مخصوص سیٹوں پر الیکشن 10نومبراوریونین کونسلوں کی مخصوص سیٹوں پر الیکشن 12نومبرکوہوگا، ریٹرننگ افسران 14نومبر کو نتائج جبکہ الیکشن کمیشن کامیاب ہونے والے امیدواروں کا نوٹیفکیشن 21نومبر کوجاری کرے گا،مخصوص سیٹوں پر کامیاب ہونے والے امیدواران 26نومبر کو حلف اٹھائیں گے۔
فرمان الہی
نماز کے اوقات
