راولپنڈی (سٹاف رپورٹر)جماعت اسلامی کے راہ نما حاجی طاہرکے قتل کیس میں ملوث 2ملزموں کو انٹرپول کے ذریعے دبئی سے گرفتارکرکے راولپنڈی منتقل کردیاگیا۔ذرائع کے مطابق 20اکتوبر 2014میں تھانہ وارث خان کے علاقہ گلاس فیکٹری میں قتل ہونے والے حاجی طاہرکے مقدمہ میں ملوث ملزموں زبیراعجاز اورنویدخان کی گرفتاری کے لئے راولپنڈی پولیس نے ریڈوارنٹ حاصل کرکے انٹرپول سے رابطہ کیاتھا جس پردونوں ملزموں کودبئی سے گرفتارکرکے انٹرپول حکام بدھ کی رات فلائٹ نمبر پی کے 212کے ذریعے بے نظیربھٹوانٹرنیشنل ائرپورٹ پہنچے جہاں انہوں نے مذکورہ دونوں ملزموں کوایف آئی اے امیگریشن عملے کے حوالے کیا ۔ائرپورٹ پرملزموں کے امیگریشن مکمل کرنے کے بعدانہیں تھانہ وارث خان کے تفتیشی افسرسب انسپکٹررسالت حسین کے حوالے کردیاگیا ۔یادرہے کہ اسی مقدمہ میں مطلوب ایک ملزم عمیراعجازکورواں سال 16مئی کوانٹرپول کے ذریعے دبئی سے گرفتارکرکے راولپنڈی لایاگیا تھا۔سب انسپکٹررسالت حسین نے بتایاکہ اس مقدمہ میں مطلوب ایک ملزم نصیرعرف نصیرابھی پولیس کی حراست میں ہے جس کا اس وقت جسمانی ریمانڈ چل رہاہے۔
فرمان الہی
نماز کے اوقات
