پشاور(کرائم رپورٹر)محکمہ انسداد دہشتگردی کوہاٹ ریجن نے خطرناک ٹارگٹ کلر کو گرفتار کرکے تفتیش کیلئے نامعلوم مقام پر منتقل کردیا گرفتار ٹارگٹ کلر نے 2014ء میں گورنمنٹ پرائمری سکول کچ بانڈہ ضلع ہنگو کی تین خواتین ٹیچرز کو قتل کیا تھا محکمہ انسداد دہشتگردکوہاٹ ریجن کے مطابق گزشتہ روز اطلاع ملی کہ خطرناک ٹارگٹ کلر عزیز اللہ ولد علی افضل سکنہ اورکزئی ایجنسی حال قاضی بانڈہ کوہاٹ میں موجود ہے جس کا نوٹس لیتے ہوئے فوری کاروائی کرکے اسے 9 ایم ایم پستول ٗ 28 کارتوس اور دو عدد موبائل فون سمیت گرفتار کرلیا حکام کے مطاق گرفتارملزم نے پولیس سٹیشن سٹی ہنگو کی حدود میں 2014 میں تین سرکاری استانیوں کو ٹارگٹ کرکے قتل کیا تھا جس میں اسے اشتہاری قراردیاگیا تھا حکام کے مطابق مقدمہ درج کرکے مزید تفتیش جاری ہے ۔
فرمان الہی
نماز کے اوقات
