ملتان(اے پی پی) نویں محرم الحرام کامرکزی جلوس آج منگل کے روز ممتازآباد سے برآمدہوگا۔جنوبی پنجاب کے اس سب سے بڑے ماتمی جلوس میں مختلف ماتمی پارٹیاں شریک ہوں گی ۔جلوس صبح 9بجے ممتازآبادکی مرکزی امام بارگاہ سے روانہ ہوگااورممتازآبادکے مختلف علاقوں سے ہوتاہوا مغرب کے وقت اسی امام بارگاہ پراختتام پذیرہوگا۔جلوس کے ساتھ علم اورذوالجناح بھی ہوں گے اوراس موقع پرعزاداران حسین زنجیرزنی بھی کریں گے۔9محرم الحرام کے جلوس کے موقع پرسکیورٹی کے سخت انتظامات کئے گئے ہیں ،پولیس اوردیگراداروں کے اہلکار جلوس کے ساتھ ہوں گے ،جلوس کے راستے میں مختلف مقامات پرواک تھروگیٹ نصب کئے گئے ہیں اورکسی بھی شہری کو تلاشی اورشناختی کارڈ کے بغیر جلوس میں شامل ہونے کی اجازت نہیں دی جائے گی۔اس موقع پرریسکیو1122اوردیگراداروں نے بھی انتظامات مکمل کرلئے ہیں ۔عزاداروں کو طبی امداد فراہم کرنے کیلئے بھی مراکز موجودہوں گے ۔دریں اثناءنومحرم الحرام کو ملتان میں مختلف امام بارگاہوں میں شب عاشورکی مجالس برپاہوں گی۔
فرمان الہی
نماز کے اوقات
