کراچی (اسٹاف رپورٹر) ابوظہبی میں اس ماہ کے آکر میں کھیلے جانے والے گرینڈ سلم انٹرنیشنل جوڈو ایونٹ کےلئے قومی جوڈو ٹیم کا تربیتی کیمپ جمعرات سے اسلام آباد کے لیاقت جمنازیم میں شروع ہوگا، پی جے ایف کے سیکرٹری منصور احمد نے کہا ہے کہ تربیتی کیمپ میں 12کھلاڑیوں کو مدعو کیا گیا ہے جن میں8 مرد اور 4 خواتین کھلاڑی شامل ہوں گے، انہیں کوچ جدید اور اعلیٰ معیار کی تربیت دیں گے۔ انہوں نے کہا کہ گرینڈ سلم 27 سے 31 اکتوبر تک ابوظہبی میں کھیلا جائے گا جس میں سات رکنی ٹیم پاکستان کی نمائندگی کرے گی اور قومی ٹیم ایونٹ میں شرکت کیلئے26 اکتوبر کو روانہ ہوگی۔ منصور احمد نے کہا کہ گرینڈ سلم میگا ایونٹ ہے جس میں پوری دنیا کے نامور کھلاڑی ایکشن میں نظر آتے ہیں اس لئے اس ایونٹ کیلئے باصلاحیت اور مستند کھلاڑیوں کا دستہ تیار کرکے انہیں ایونٹ کیلئے بھجوائیں گے تاکہ وہ گرینڈ سلم میں شاندار کارکردگی کا مظاہرہ کرکے ملک کا نام روشن کرسکیں۔ انہوں نے کہا کہ پاکستانی کھلاڑیوں میں کافی ٹیلنٹ ہے اور امید ہے کہ گرینڈ سلم میں قومی کھلاڑی شاندار کارکردگی کا مظاہرہ کرکے کامیابی کے ساتھ وطن واپس لوٹیں گے۔
فرمان الہی
نماز کے اوقات
