ایشین ہاکی چیمپئنز ٹرافی میں شرکت کیلئے پاکستان ٹیم آج رات ملائیشیا روانہ ہوگی، کپتان محمد عرفان سفری کاغذات مکمل نہ ہونے کی وجہ سے ٹیم کے ہمراہ نہیں جاسکیں گے،وہ 2 روز بعد کوالالمپور روانہ ہوں گے۔
کراچی میں جاری پاکستان ہاکی ٹیم کا مختصر تربیتی کیمپ ختم ہوگیا، پاکستان ٹیم آج رات ملائیشیا ء روانہ ہوگی، جہاں وہ 20اکتوبر سے شروع ہونے والی ایشین ہاکی چیمپئنز ٹرافی میں اپنے اعزاز کا دفاع کرے گی۔
پاکستان ٹیم کے کپتان محمد عرفان کا پاسپورٹ کسی دوسرے ملک کے سفارتخانے سے موصول نہیں ہوا ہے ،امکان ہے، پیر یا منگل تک پاسپورٹ واپس مل جائے گا۔
ایشین چیمپئنز ٹرافی 20اکتوبر سے شروع ہوگی، پاکستان ٹیم پہلا میچ 20اکتوبر کو میزبان ملائیشیاء کے خلاف کھیلے گا جبکہ بھارت سے مقابلہ 23اکتوبر کو ہوگا۔
فرمان الہی
نماز کے اوقات
